以前好多镇区嘅农家里，哩D大炉大灶都係好常见嘅煮食架鐣。但係依加，就好难再见到咯。

大炉灶、大铁镬、大柴大火，煮出来嘅菜係特别嘅香！哩种大镬饭嘅感觉让人特别有亲切感！

就哩只镬铲，起码都几斤重，我就炒唔起啦，不过大厨落铲有力，来去自如咁。企响旁边嘅我地越闻越香，都不知几想偷餸吃！

两只大扇鸡炒咗一阵就可以上细镬啦！咪睇到好似好少嘢咁，一只大扇鸡成5、6斤重架，要炒起十斤重嘅餸，冇番咁上下臂力都做唔到架！

哩排天气仲凉凉地，我地就选喺外面嘅竹棚度食啦！

加埋D香芹、葱番兜几下，上细镬咯！香喷喷呢！

“嗞嗞、啫啫”D声咁过瘾，唔怪得炒鸡又叫“啫啫”鸡啦！

你睇下“中山美食游”嘅为食三宝已经响度吃紧啦！仲越吃越有味添！岐人张同超哥唔通因为响逍遥谷游完水所以咁肚饿？见佢地铲晒成镬鸡都唔够喉，呵呵！

鼓油屈山泉水库鱼，好好味吖！得我偷下师番屋企整番几味先！

哩种屈炆法好耐历史架啦，都係中山菜嘅特色做法之一！味浓，但唔会盖咗D鱼鲜，鱼肉好滑好香，最好梗系趁热吃啦！

经典中山农家菜出场咯！----粉葛炆五花！D五花腩见到已经流晒口水啦！咬落去爽口又弹牙，炆到又够味！送饭正！D粉葛依加好少餐厅吃得到架啦！真係好松好入味！

五桂山以前係革命根据地好多人都知，而逍遥谷餐厅嘅大炉灶做菜方式，其实係承传咗43年前当地居民为游击队在山上煮食嘅方式。当时条件虽然差，冇电冇煤气，不过用大柴大火煮出来嘅餸就特别香，又快熟。几十年前嘅菜式，几十年前嘅风味。饮一壶山泉水泡茶，吃一餐大炉灶炒鸡，哩度就係五桂山，你一定会感受到何谓“逍遥”、何谓“自在”！

中山人习惯用味道去诉说着饮食同生活之间嘅微妙关系，一份已经保持咗几十年嘅味道，一份累积了数十载的浓浓乡情，绝对让人吃过番寻味！

Think、Pancong / 图
Think / 文